Artikel Kebudayaan Daerah

Panggenan Wisata lan Tradisi ing Kitha Jepara

Jepara menika satuggaling Kabupaten ing Jawa Tengah. Jepara misuwuripun kaliyan ukir-ukiranipun sahingga Jepara dipunsebat kaliyan nami Jepara Kitha Ukir. Ananging boten namung ukir-ukranipun ingkang misuwur, Jepara ugi nggadhahi pinten-pintn panggenan wisata ugi taradisinipun. Tuladhanipun panggenan wisata ingkang wonten ing desa Plajan Kec.Pakis Aji Kab.Jepara. desa menika nggadhahi  kathah panggenan wisata, sahingga dipunwastani ”Plajan Desa Wisata”. Panggenan wisata menika antawisipun, akar seribu, goa sakti, ugi gong perdamaian dunia. Akar seribu menika panggenan wisata ingkang wonten wit-witan ingang kathah, ananging wonten stunggal wit ingkang ageng sanget ugi nggadhahi oyot ingkang kathah, mila dipun sebat akar seribu. Lajeng Goa sakti, goa sakti menika panggenan wisata ingkang rikala jaman rumiyin kathah kewan waletipun ingkang manggen wonten ing goa menika, lajeng waletipun ndadosaken pitedos dening masyarkat bilih walet menika saged ndadosaken tiyang sugih. Mila, kengeng menapa dipunwastani Goa Sakti? Amargi, walet ingkang manggen wonten ing goa menika saged ndadosaken tiyang sugih. Wontn malih Gong Perdamaian dunia, menika panggenn wisata ingkang wonten gongipun, ananging gong menika boten gong gamelan ingkng dipunginakaken dening pengrawit, ananging gong menika gong ingkang ageng sanget lajeng wonten gambar gendera sedunia.

Kejawi panggenan wisata, Jepara ugi nggadhahi pinten-ointen tradisi. Wonten ingkang naminipun tradisi apitan. Apitan inggih menika tradisi ndamel apem ingang kalampahan wonten ing wulan apit. Jenisipun apem menika wonten kalih, wonten ingkang dipunbungkus godhong gedhang kados conthong lajeng dipundang naminipun apem conthong. Wonten ingkang dipungoreng wujudipun bunder naminipun apem goreng. Apem ingkang sampun dipun damel, lajeng dipun beta dhateng masjid saperlu dipundongani sesarengan. Sasampunipun dipundongani, apem menika wonten ingkang dipun paringaken kaliyan tangga teparo wonten ingkang dipun pasang ing sapinggiripun lawang. Perkawis menika ndadosaken pitados dening masyarakat bilih babagan menika saged ngicalaken sedaya tolak balak.

Sasanesipun apitan, wonten malih tradisi ing kitha Jepara ingkang naminipun kupatan utawi bada alit. Wonten malih tradisi ing kitha Jepara ingkang naminipun kupatan, kupatan inggih menika, tradisi ndamel kupat kalian lepet. Lajeng dipunsebat bada alit amargi tradisi menika kalampahan wonten ing wulan sawal setunggal minggu sasampunipun bada idul fitri utawa bada ageng. Kupat kaliyan lepet ingkang sampun dipundamel menika lajeng dipunbeta dhateng masjid saperlu dipundongani sesarengan. Sami kaliyan apitan, kupat aliyan lepet menika dipunpasang wonten sapinggiripun lawang lajeng ingkang nggadhahi kewan lan kendaraan sami dipunparingi kupat kaliyan lepet menika. Ancasipun supados sedaya ingkang dipun gadhahi menika saged slamet ugi boten wonten bebayanipun. Wekdal kupaan menika sami dipunginakaken dening masyarakat Jepara kangge tetindakan dhateg pangenan wisata kangge mengeti dinten kupatan menika. Kados mekaten panggenan wisata ugi tradisi ingkang kalampahan ing kitha Jepara.