Gurit wanci gugur

Wancine Gugur

Ora mung dhewe

Wiwit cilik tumekaning gedhe

Wiwit ijo tumekaning kuning

Wiwit seger tumekaning alum

                        Ora bisa nyuwara

                        Ora bisa njaluk

                        Bisane mung anut

                        Bisane mung anggon kana

Arane godhong!

Iyha godhong!

                        Urip bareng…

                        Nanging, umure ora bisa bareng

                        Kadhang seger, kadhang alum

                        Amung bisa nrima ing pandum

Wektu wis pinunjuk

Yen ta wancine gugur

Tumekaning tiba

Yha, tetep kaaran godhong!

                        Wujud lan rupa wis pinunjuk

                        Wanci wus pinunjuk

                        Tibaning godhong

                        Merga, wus wancine gugur