Paper memetri basa jawa

Nglelimbang Memetri Basa Jawa

1. Alasan kenapa milih bab iki?

• Jilid III

Alesan milih bab sing judule Pitutur ing jilid 3 bab 8 yaiku merga tertarik karo judule uga kepengin ngerti isi sub bab kuwi. Kejaba kuwi kepengin uga ngerteni lan mahami apa kang di jelasake ana ing pembahasan bab kuwi. Nanging kangelan olehe mahami merga bahasane nganggo bahasa utawa tembung sing ora biasa ditemoni ing saben dinane, nanging ora kabeh tembung angel isih ana tembung sing isih bisa dipahami. Saka bab Pitutur kuwi aku bisa ngerteni yen bab iki ngandarake babagan kang becik uga manfaat kanggo para pemaos. Mula, kepenginanku kanggo milih bab iki ora salah, merga sub bab iki bisa menehi ngerti babagan kang bener.

Sawise tak pahami, bab iki akeh babagan sing kudu di gugu lan ditiru. Babagan tindak-tanduk uga kepriye carane nglakoni kauripan kanthi cara sing bener. Carane nanggapi sikap kang ora ngepenakake ati uga ana. Kabeh babagan ngeneni sikap marang sepada-pada uga di jelasake ing bab iki. Ing bab iki uga ana materi-materi sing njelasake makna ana ing wacan sing bahasa utawa tembunge angel dipahami.

• Jilid II

Ing jilid 2 iki aku milih bab sing judule Punapa Inggih Basa Jawa Risak Utawi Nandhang Roga?. Merga aku tertarik karo judule. Ing bab iki, di jlentrehake babagan keadaan utawa nasibe basa jawa saiki. Kejaba iku, sing nggawe aku milih bab iki yaiku, nggawe penasaran kanggo bisa ngerti isine bab kuwi, merga bab kuwi bab sing cocog kanggo pembahsan sing ana ing jaman saiki. Anggone mahami tembung-tembunge ora patio angel kaya dene bab liyane. Sawuse tak waca, bab iki uga ora angel-angel banget dipahami, merga tembung-tembunge bisa dingerteni. Bab iki uga cocog yen didadekake bahan pirembagan , merga kuwi bab sing njlentrahake babagan sing patut diugami lan patut dingerteni masyarakat jawa sing nggunakake bahasa jawa. 

2. Tema ana ing bab sing dipilih

1. Bab 8 jilid 3

Tema sing ana ing bab 8 jilid 3 yaiku, nyeritakake babagan pitutur kang becik. Njelasake babagan kang ana ing masyarakat ngenani tindak tanduk kang bener. Ing bab iki ngrembak macem-macem jenise pitutur yaiku, wong iku butuh dhuwit uga kudu nduweni budi, nanging ana uga sing berbudi ora ngopeni dhuite. Sing nomer loro, yaiku ngajarake yen ana wong ora seneng marang kita, nanging anggone ngomong nganggo tembung sing manis kudu diwales nganggo tembung sing manis uga nanging aja gampang percaya karo wong kuwi mau. Sing nomer telune yaiku, yen duwe awak sing resik ora perlu khawatir bakal kena kesalahan, kaya dene yen awake sehat utawa waras ora bakal diarani lara. Nomer papat yaiku, ilmu sing diduweni kuwi ora ketok nanging manfaate gedhe. Nomer lima, sing diwenehi kekuasaan kanggo ngguyu yaiku manungsa, mula, manungsa uga patut olehe digeguyu. Sing nomer enem yaiku, manungsa yen ora bisa nglakoni penggawean sing apik, nanging kudu isa nyingkiri penggawean sing ala. Selanjute yaiku, yen bisa ngilangake sungkawa, mula kuwi bisa ngrusakake budi lan awake. Nomer wolu yaiku, manungsa kuwi kudu bisa loma, nangnig aja gampang menehi tanpa dipikir sing temen. Nomer sanga yaiku, aja seneng ngomongake eleke wong liya ing burine. Ing bab iki uga njelasake, yen duwe ati seneng lan suci kuwi amal kang ana ing alam donya. Ing nomer sewelase yaiku, njelasake yen telug perkara sig ora bener yaiku kaya. Banyu sing mambeg, wesi sing dienengake kuwi pada karo manungsa sing nganggur ora duwe gawean. Ing nomer selajute ngajarake yen, kita menehi wong liya aja dieling-eling, nanging yen kita diwenehi wong liya kudu dieling-eling. Nomer telulas yaiku, wong kang kendel kuwi ora ana sing madhani, mung wong kang ngalahake atine dhewe tumuju babagan sing ala. Nomer patbelas yaiku, njelasake yen, sapa wonge yen duwe kanca anyar nanging gedohi kanca lawas kuwi pada karo ngurupake wowohan oleh kembang, yaiku ngijolake barang sing ana ajine entuk barang singa ora ana ajine. Ing nomer terakhir yaiku, wong sing kuwasa aja sok gumedhe, bisa uga wong kuwasa kuwi di tabrak marang wong cilik.

Intine tema kang ana ing bab Pitutur iki yaiku, ngajarake tatacara sing bener marang wong sepada-pada. Uga tetep duwe rasa ngajeni siji marang sijine. Senajan pangkat utawa panguwasane beda, nanging kudu tansah ngugemi. Supaya ora kalebu ing babagan sing ora bener, mula urip kuwi ora bisa sapenake dhewe.

2. Bab 4 jilid 2

Bab iki njelasake babagan basa jawa sing mulai luntur utamane ing kalangan mudha jaman saiki. Basa jawa sing dingerteni masyarakat akhir-akhir iki yaiku wis wiwit luntur anggone nggunakake basa lan unggah-ungguh sing bener. Kabar iku wis kesebar ana ing laying kabar lan kalawarti. Masyarakat anggone nanggepi babgan kuwi tenang-tenang wae. Utamane para mudha jaman saiki, anggone nggunakake basa lan unggah-unggah wis ora migunakake tatacara kang trep. Tiyang sepuhe uga ora ana tindakan kanggo nanggapi babagan kaya mangkana. Senajan bocah sekolah diajarake kepriye anggone migunakake tetembungan kang bener nanging babagan kuwi mau ora diterapake ing pakulinan sben dinane. Anggone wicantenan kaliyan wong tuwane uga mung migunakake tembung sing mung kanggo guyon wae.

3. Kekurangan lan keluwihan bab sing dipilih

Ana ing bab sing tak pilih, yaiku bab 8 jilid 3 lan bab4 jilid 2, kuwi bab sing isine utawa temane apik tur migunani, nanging bab kuwi duweni kekurangan lan keluwihane , yaiku :

• Kekurangan :

Kekurangan kang ana ing bab 8 jilid 3 yaiku, tembung-tembung kang ana ing wacan akeh sing ora bisa dingerteni. Pembahasan wacan karo materi sing dibahas ing kaca selanjute kurang ngenani. Kayadene Dasanama, Saloka, Empan-Empane Tembung, Paramasastra uga Kasusastran. Ora kabeh pembahasan kuwi mau sing ora nyangkut karo wacan, sebagian uga ana babagan sing njelasake utawa njlentrehake perkawis kang ana ing wacan. Kekurangan liyane yaiku, kurang rinci anggone njelasake kang ana ing wacan luwih bisa diperjelas maneh lan anggone njlentrehake materi kang ana ing kaca selanjute luwih rumit lan ruwet ketimbang anggone mahami perkawis kang ana ing wacan. Pitutur-pitutur ing wacan luwih apik maneh yen dilengkapi karo tuladha supaya para pemaos luwih bisa paham maneh anggone mahami bab kuwi.

Kekurangan kang ana ing bab 4 jilid 2 yaiku, anggone ngrembak babagan ngenani bab kang judule Punapa Inggih Basa Jawi Risak utawi Nandhang Roga? Kuwi pada karo kang ana ing bab 8 jilid 3 yaiku pada-pada angel dipahami, merga nggunakake tembung-tembung kawi utawa bahasa jawa kuna. Sahingga para pemaos anggone mahami kudu bener-bener bisa ngerteni tembung-tembunge. Kekurangan selanjute yaiku, pembahasan pokok permasalahan kaliyan penyelesaian masalahe kurang rinci, sahingga para pemaos ora bisa nemokake kesimpulan babagan permasalahan kuwi mau. Kekuragan liyane, babagan wacan kaliyan materi utawa pembahasan kurang ngenani, merga sing bisa tak ngerteni ing bab kuwi, wacan kaliyan materi tan saya rumit materine, sahingga anggone mahami luwih penak mahami wacane ketimbang materine. Nanging kang dijelasake ana ing kaca sawuse wacan kuwi cukup bisa mbantu anggone mahami tembung-tembung kang ana ing wacan.

• Kelebihan (apike bab sing dipilih)

Ana ing bab 8 jilid 3 apike lan keluwihane yaiku, isine bisa kanggo nambah kawruh marang wong sing maca. Pembahasane luwih akeh tinimbang wacane. Anggone nggampangake wong kang maca, bab iki dilengkapi nganggo pembahasan lan materi-materi kanggo ngerteni tembung-tembung kang ana ing wacan. Sahingga, para pemaos luwih bisa kebantu kaliyan materine anggone mahami isine wacan. Kaluwihan selanjute yaiku, anggone njlentrehake materi, sebagian ana sing dilengkapi kaliyan tuladha, supaya wong kang maca bisa luwih paham.

Kelebihan kang ana ing bab 4 jilid 2 yaiku, pembahasan kuwi cocog kanggo para mudha jaman saiki, merga basa jawa kang ana ing jaman saiki tan saya luntur. Anggone nggunakake unggah-ungguh basa jawa wis ora asring ditemui ing kalangan mudha. Mula, bab iki mathuk kanggo pembahasan basa jawa utamane kanggo kalangan mudha. Apike maneh, pembahasan kang ana ing wacan iki, nggawe penasaran para pembaca kanggo ngerteni isi babagan pokok permasalahan kuwi mau. Keluwihan liyane yaiku, dilengkapi nganggo materi-materi sing njelasake babagan inti wacan ig bab kuwi, merga, akeh tembung-tembung kawi sing angel dipahami, sahingga pembahasan materi kuwi mau cukup bisa mbantu kanggo kanggo ngerteni tembung angel kang ana ing wacan.