cangkriman

CANGKRIMAN

Cangkriman yaiku unen-unen utawa tembung sing kudu dibatang utawa di bedhek maksude. Cangkriman uga bisa diarani bedhekan.

a.       Cangkriman wancah (cekakan), tuladha:

1.      Pak boletos: tapak kebo lelene satus

2.      Pindhang kileng: sapi nang kandhang, kaki mentheleng

b.      Cangkriman pepindhan (emper-emperan), tuladha:

1.      Pitik walik saba kebon (nanas)

2.      Sega sekepel dirubung tinggi (salak).

3.      Gajah nguntal sangkrah (pawon).

4.      Emboke dielus-elus anake di idak-idak (andha)

5.      Anake gelungan ibune ngrembyang (pakis).

c.       Awujud plesedan utawa blenderan, tuladha:

1.      Ora usah mutung. Mutung apa? Mutung kasarung (lutung kasarung).

2.      Wong adol tempe di taleni = sing di taleni tempene, dudu wong sing adol.

d.      Awujud sinawung ing tembang, tuladha:

Bapak pocung cakemu marep mandhuwur,

Sabamu ing sendhang,

Pencokanmu lambung kering,

Prapteng wisma si pocung muntah guwaya

(batangane = klenthing/jun)

Kapetik saking: Nguri-uri Basa Jawi VII-A